გაეროს სურსათისა და სოფლის მეურნეობის ორგანიზაციის (FAO) გლობალური ინიციატივის ფარგლებში „ერთი ქვეყანა, ერთი პრიორიტეტული პროდუქტი“(OCOP) სამუშაო შეხვედრა გაიმართა. შეხვედრის მიზანი საქართველოში ღვინის, როგორც გლობალური ინიციატივის ფარგლებში დასახელებული განსაკუთრებული სოფლის მეურნეობის პროდუქტის (SAP), ღირებულებათა ჯაჭვის გრძელვადიანი, მდგრადი განვითარების ხელშეწყობა და აგროსასურსათო სისტემების უფრო ეფექტური და ინკლუზიური ტრანსფორმაცია იყო. 

მსგავს შეხვედრებში მონაწილეობა კრისტალს შესაძლებლობას აძლევს უკეთ წარმოაჩინოს აგრო მეწარმეების საჭიროებები და განავითაროს ფინანსური პროდუქტები, რომლებიც ხელს შეუწყობს გრძელვადიან და მდგრად ინვესტიციებს, განავითაროს ინოვაციური მიდგომები სოფლის მეურნეობის დაფინანსებაში,  ჰქონდეს ცოდნისა და გამოცდილების მიღების შესაძლებლობა და გაზარდოს კავშირები. 

შეხვედრაში მონაწილეობას კრისტალის სახელით, აგროპროდუქტების კოორდინატორი, ვიქტორ შალამბერიძე იღებდა. შეხვედრაზე მონაწილეებმა დარგის სპეციალისტებთან ერთად განიხილეს  საკონტრაქტო მეურნეობის გაძლიერების,  ღვინის მცირე მწარმოებლების მიერ  რესურსებზე წვდომის გაუმჯობესების,  მწვანე ტექნოლოგიების გამოყენების,  ბაზრების მოძიება და სხვა. 

ამავე პროექტის ფარგლებში, კრისტალში გაიმართა შეხვედრა FAO-ს სათავო ოფისის წარმომადგენელთან აკოს სჟებენისთან  და სასოფლო-სამეურნეო მხარდამჭერი პროგრამების კონსულტანტთან, ილია თამარაშვილთან. შეხვედრაში მონაწილეობას კრისტალის პროდუქტების განვითარების დეპარტამენტის ხელმძღვანელი მარიამ ნანავა,  საკრედიტო პროდუქტების განვითარების განყოფილების ხელმძღვანელი გიორგი ნარდაია და აგროპროდუქტების კოორდინატორი, ვიქტორ შალამბერიძე იღებდნენ, რომლებმაც სტუმრებს დეტალურად გააცნეს  „კრისტალის“ დაკრედიტების შესაძლებლობები ღვინისა და მევენახეობის სექტორში, ღვინის გადამამუშავებელი საწარმოებისა და მევენახეების საჭიროებები და გამოწვევები, განვითარების პოტენციური სფეროები, „კრისტალის“ მონაწილეობა სხვადასხვა სახელმწიფო პროექტებში და ა.შ. 

სამუშაო შეხვედრაში მონაწილეობდნენ FAO-ს სათავო და ევროპისა და ცენტრალური აზიის რეგიონული ოფისებიდან OCOP-ის გუნდის წევრები, ღვინის ეროვნული სააგენტოს, გარემოს დაცვისა და სოფლის მეურნეობის სამინისტროს, ასევე, ღვინის მწარმოებელი კომპანიების, არასამთავრობო ორგანიზაციების, კერძო და საბანკო სექტორის, აკადემიური წრეებისა და საერთაშორისო ორგანიზაციების წარმომადგენლები.  

-„კრისტალში“ ღვინისა და მევენახეების სექტორის პორთფელურ სტრუქტურაზე; 

-აღნიშნულ სეგმენტში დაკრედიტების გაზრდის პოტენციალზე როგორც ქვეყნის მასშტაბით, ასევე ჩვენი კომპანიის კუთხით;  

-ჩვენი მევენახე ფერმერების გამოწვევებზე და მხარდაჭერაზე; 

-ღვინის კომპანიებისა და წვრილი ფერმერების თანამშრომლობის გაძლიერებაზე და მათი ინტერესების უფრო მეტად დაახლოებაზე; 

-ღვინის ღირებულების ჯაჭვის უწყვეტობის შენარჩუნებაზე მასში ჩართული სუბიექტების მონაწილეობით: ფინანსური სექტორი, სახელმწიფო, პროფილური ასოციაციები, საცალო და საბითუმო მოვაჭრეები და სხვა; 

-„კრისტალის“ სამომავლო გეგმებზე სახელმწიფო პროექტებში ჩართვის შესახებ; 

-სახელმწიფოს მხარდაჭერაზე სექტორის განვითარების კუთხით და სხვა 

ვორქშოპში ჩართული ვიყავი შემდეგი თემის განხილვისას: 

ღვინის წარმოების ხარისხის გაუმჯობესება  მცირე მწარმოებლებისთვის ჰორიზონტალური და ვერუკალური კავშირების მეშვეობით:  

ცნობიერების ამაღლება; განათლების მიღება სამიზნე ჯგუფებისთვის; სხვადასხვა გაერთიანებების/კავშირების/ კოოპერატივების გაძლიერება; ადგილობრივი წარმოების მხარდაჭერა; 

საკონტრაქტო მეურნეობის გაძლიერება; ღვინის მცირე მწარმოებლების მიერ  რესურსებზე წვდომის გაუმჯობესება; მწვანე ტექნოლოგიების გამოყენება; ბაზრების მოძიება.