რობერტ კოსმანი საერთაშორისო გამოცდილების მქონე ბანკირია. 33 წელია, რაც ცენტრალური და აღმოსავლეთ ევროპის 13 სხვადასხვა ქვეყანაში საცალო, მცირე და საშუალო საბანკო მომსახურების სფეროში მუშაობს. ბოლო 16 წელია,  Raiffeisen Bank International-ში საქმიანობს. 2004-2020 წლებში მას  Raiffeisen Bank International-ში, უკრაინის ოფისში საცალო/SME ბანკინგის დირექტორთა საბჭოს თავმჯდომარის მოადგილის პოსტი ეკავა; ხელმძღვანელობდა SME რისკებს ავსტრიაში, 3 წლის მანძილზე ეკავა CIO-სა და COO-ს თანამდებობები. მანამდე კი განვითარების უფროსი ბანკირის რანგში EBRD-თან, მსოფლიო ბანკთან, აზიის განვითარების ბანკსა (ADB) და USAID-თან მსხვილი ფინანსური ინსტიტუტების რესტრუქტურიზაციის კუთხით თანამშრომლობდა. ამჟამად იგი აქტიურად საქმიანობს როგორც Fintech Angel ინვესტორი, ასევე არის მრავალი სტარტაპის მრჩეველი/მენტორი უკრაინაში.

ფინანსისტი, „კრისტალის“ სამეთვალყურეო საბჭოს წევრი 2018 წლიდან. ხოლო 2025 წლის 18 ნოემბრიდან სამეთვალყურეო საბჭოს თავჯდომარის მოადგილე. ასევე გახლავთ „კრისტალის“ აუდიტის კომიტეტის თავმჯდომარე.

მას აქვს საბანკო სექტორში მუშაობის მდიდარი გამოცდილება როგორც მმართველ თანამდებობებზე, ისე კონსულტანტის პოზიციაზე ფინანსური მართვის, რისკების მართვის და ოპერაციული მართვის მიმართულებით. 2015 წლიდან მონაწილეობს SDC-ის, KfW-ისა და AFD-ის პროექტების
განხორციელებაში საქართველოსა და სომხეთში. იგი სწავლობდა სომხეთის ამერიკულ უნივერსიტეტში MBA ფინანსების სპეციალიზაციით, მიღებული აქვს მაგისტრის ხარისხი ერევნის სახელმწიფო უნივერსიტეტში. არის პროკრედიტის კორპორაციის უმაღლესი რგოლის
მართვის აკადემიის კურსდამთავრებული და ACCA-ს წევრი.

არჩილ ბაკურაძე სს მიკრობანკი კრისტალის სამეთვალყურეო საბჭოს წევრია. ის არის ფონდ „კრისტალის“ გამგეობის თავმჯდომარე და მოღვაწეობს სხვადასხვა არაკომერციული ორგანიზაციის მმართველობაში. არჩილი გახლდათ მიკროსაფინანსო ასოციაციის თავმჯდომარე, ამჟამად კი მისი გამგეობის წევრია. იგი ფლობს ლანკასტერის უნივერსიტეტის ბიზნესის ადმინისტრირების მაგისტრის ხარისხს (2004), არის ჯონ სმიტის ფონდის (2000) სტიპენდიატი და ჰოლანდიის დევნილთა ფონდის (Stichting Vluchteling) Van HeuvenGoedhart-ის სახელობის საერთაშორისო
პრემიის ლაურეატი (2003).

ბატონი იანი Incofin IM-ში კერძო ინვესტირების ფონდის დირექტორია. აქვს
კაპიტალის ბაზარზე სააქციო კაპიტალის შეძენის, მართვისა და რეალიზების მიმართულებით მდიდარი გამოცდილება. განხორციელებული აქვს ევროპასა და აზიაში 70-ზე მეტი საინვესტიციო ტრანზაქცია. არის სხვადასხვა კერძო ფონდის მმართველი პარტნიორი, მმართველი დირექტორი და საინვესტიციო კომიტეტის წევრი. აჟამად, წყლის რესურსების ახლად შექმნილი ფონდის საინვესტიციო კომიტეტის წევრია.

ბატონ დევინგაერტს საბჭოს
შემადგენლობაში საქმიანობის მდიდარი გამოცდილება აქვს, მრავალ ქვეყანასა და სექტორში. „კრისტალის“ გარდა, ის ამჟამად ბანკების — Lovcen-ის (მონტენეგრო) და Arvand-ის (ტაჯიკეთი) საბჭოს წევრია.

ნათია ჯანელიძეს აქვს საბანკო სფეროში, პირდაპირი ინვესტიციების, მცირე და საშუალო ბიზნესისა და კორპორაციული ფინანსების მიმართულებებით 25-წლიანი სამუშაო გამოცდილება.

სხვადასხვა დროს ის ხელმძღვანელ პოზიციებზე მუშაობდა ბანკ რესპუბლიკასა და თიბისი ბანკში, იყო “იშბანკ საქართველოს“ სამეთვალყურეო საბჭოს უფროსი დამოუკიდებელი წევრი და „გაზელ ფაინანს საქართველოს“ მთავარი საინვესტიციო დირექტორი, ქალ ბიზნეს ლიდერთა ფედერაციისა და „პრაიმ ბეტონის“ საბჭოს წევრი.

ნათია ჯანელიძე მონაწილეობდა ადგილობრივი და საერთაშორისო ფინანსური ინსტიტუტების, მათ შორის აზიის განვითარების ბანკის პროექტებში.

მას მიღებული აქვს ბიზნესის ადმინისტრირების მაგისტრის ხარისხი აშშ-ის მისური-კოლუმბიის უნივერსიტეტში,  ხოლო დოქტორის ხარისხი ფინანსებსა და საბანკო საქმეში საქართველოს ტექნიკურ უნივერსიტეტში.

ჯილ ებანოიძე საერთაშორისო საბანკო, ფინანსური ტექნოლოგიებისა და ფინანსური ინფრასტრუქტურის სფეროს აღმასრულებელი და მმართველობის პროფესიონალია. მას აქვს 20 წელზე მეტი გამოცდილება ფინანსური სერვისების, გადახდების, პლატფორმული ეკონომიკისა და ციფრული ტრანსფორმაციის მიმართულებით.

სხვადასხვა პერიოდში ჯილ ებანოიძეს ეკავა ხელმძღვანელი პოზიციები საერთაშორისო კომპანიებში eBay, Booking Holdings (Booking.com) და Naspers/OLX Group, სადაც იგი პასუხისმგებელი იყო გლობალური გადახდების ეკოსისტემების, ფინანსური ინფრასტრუქტურის, მარეგულირებელ ორგანოებთან ურთიერთობებისა და მასშტაბური ტრანსფორმაციული პროგრამების მართვაზე.

მისი პროფესიული გამოცდილება მოიცავს საბანკო, საგადახდო და ფინანსური ტექნოლოგიების სფეროებში გლობალური მასშტაბის ორგანიზაციების ტრანსფორმაციას, ფინანსური ინფრასტრუქტურის განვითარებასა და საერთაშორისო ოპერაციების მართვას. იგი ფლობს მნიშვნელოვან გამოცდილებას ციფრული ფინანსური ეკოსისტემების, ინოვაციების, სტრატეგიული ზრდისა და კორპორაციული მმართველობის მიმართულებით.

ამჟამად ჯილ ებანოიძე საქმიანობს მმართველობით და საზედამხედველო პოზიციებზე ფინანსურ სექტორსა და საერთაშორისო საფინანსო ეკოსისტემებში. იგი ასევე ხელმძღვანელობს საკუთარ ბუტიკურ საკონსულტაციო პრაქტიკას, რომელიც სპეციალიზებულია ფინანსურ ტექნოლოგიებში, გადახდებში, ციფრულ ტრანსფორმაციასა და სტრატეგიულ განვითარებაში.

ჯილ ებანოიძე ფლობს Maastricht School of Management-ის ბიზნესის ადმინისტრირების მაგისტრის (MBA) ხარისხს. იგი არის Harvard Business School-ის კურსდამთავრებული, მათ შორის General Management Program-ისა და Women on Boards: Succeeding as a Corporate Director პროგრამების მონაწილე. ასევე არის University of Hong Kong-ის Asia Global Fellow და ნიდერლანდების SER Topvrouwen-ის წევრი.

მისი მრავალწლიანი საერთაშორისო გამოცდილება ევროპაში, აზიაში, აფრიკაში, ახლო აღმოსავლეთსა და ამერიკის შეერთებულ შტატებში აყალიბებს გლობალურ ხედვას ფინანსური სექტორის, ტექნოლოგიური ტრანსფორმაციისა და კორპორაციული მმართველობის საკითხებზე.

გულნარა შამშიევას საბანკო და მიკროსაფინანსო სფეროში მუშაობის ხანგრძლივი გამოცდილება აქვს. 20 წელზე მეტია, ის ცენტრალური აზიის ფინანსური სექტორის აღმასრულებელ და სამეთვალყურეო საბჭოებში საქმიანობს. მისი კარიერა ფინანსური ინსტიტუტების ტრანსფორმაციასა და განვითარებას, კორპორაციულ მმართველობასა და მთლიანად სფეროს მდგრადი განვითარების მხარდაჭერას უკავშირდება.

გულნარა შამშიევა ხელმძღვანელობდა რეგიონში ერთ-ერთ ყველაზე ინოვაციურ პროექტს — მიკროსაფინანსო ინსტიტუტის სრულად ლიცენზირებულ კომერციულ ბანკად გარდაქმნას. აღმასრულებელ პოზიციებზე საქმიანობისას იგი მჭიდროდ თანამშრომლობდა ევროპის რეკონსტრუქციისა და განვითარების ბანკსა და საერთაშორისო საფინანსო კორპორაციასთან, მონაწილეობდა მცირე და საშუალო ბიზნესის განვითარების, მწვანე დაფინანსების, ქალთა მეწარმეობისა და ფინანსური ცნობიერების ინიციატივების მხარდამჭერ პროგრამებში.

ამჟამად გულნარა შამშიევა ცენტრალური აზიის ფინანსურ ინსტიტუტებში დამოუკიდებელი დირექტორისა და დირექტორთა საბჭოს წევრის პოზიციებს იკავებს. მისი საქმიანობა მოიცავს კორპორაციული მმართველობისა და ინსტიტუციურ, მათ შორის მართვისა და შიდა კონტროლის სისტემების გაძლიერებას, რისკების მართვასა და ESG ინტეგრაციას, სტრატეგიულ ტრანსფორმაციასა და განვითარებას.

გულნარა შამშიევა ფლობს საერთაშორისო სერტიფიკატებს საბანკო საქმეში, რისკების მართვასა და კორპორაციულ მმართველობაში. მას გავლილი აქვს ტრენინგები ფრანკფურტის ფინანსებისა და მენეჯმენტის სკოლაში, ABA სტონიერის საბანკო სკოლასა და IFC-ის პროგრამებში ESG-სა და კორპორაციული მმართველობის მიმართულებებით.

გახლავთ წარმატებული ტოპ-მენეჯერი, საინფორმაციო ტექნოლოგიებსა და საბანკო სექტორში ტრანსფორმაციისა და ცვლილებების მართვის მდიდარი გამოცდილებით. 

კარიერა დაიწყო 1998 წელს, როგორც ვებ დეველოპერმა, 2001-2006 წლებში მუშაობდა IT პროექტების მართვის მიმართულებით ამერიკულ იურიდიულ კომპანიაში, 2007-2009 წლებში კი დასაქმებული იყო თიბისი ბანკში პროექტების მენეჯერად. 2009 წელს ილია რევია საქართველოს ბანკს შეუერთდა, სადაც მოგვიანებით უფროსი საინფორმაციო ოფიცრის მოადგილედ დაინიშნა და სათავეში კომპანიის არაერთ კომპლექსურ პროექტს ჩაუდგა, მათ შორის, „პრივატბანკ საქართველოს“ შეძენას და Agile-ტრანსფორმაციას.

ილია კრისტალის გუნდს 2019 წლის მეორე ნახევრიდან ხელმძღვანელობს და მას შემდეგ, კომპანიის ახალი ხედვის ჩამოყალიბებას და სტრატეგიულ ტრანსფორმაციას უძღვება. ილია არის სერტიფიცირებული პროფესიონალი პროექტების მართვაში (PMP), ფლობს ჯორჯ ვაშინგტონის უნივერსიტეტის მაგისტრის ხარისხს პროექტების მართვაში და შვედეთის იონჩეპინგის უნივერსიტეტის მაგისტრის ხარისხს საინფორმაციო ტექნოლოგიებსა და ბიზნესინოვაციებში და ჰარვარდის უნივერსიტეტის სერტიფიკატს ინკლუზიურ ფინანსებში. მიღებული აქვს საქართველოს ტექნიკური უნივერსიტეტის ბაკალავრის ხარისხი მათემატიკაში. ის აგრეთვე პროექტების მართვის ინსტიტუტის (Project Management Institute) საქართველოს წარმომადგენლობის არჩეული პრეზიდენტია.

დავით ბენდელიანი კრისტალის ფინანსური დირექტორის პოზიციას 2011 წლიდან იკავებს. 2004-2011 წლებში იგი ფონდი კრისტალის ფინანსური მენეჯერი იყო, 1997-2004 წლებში კი იგივე პოზიციაზე საქველმოქმედო ჰუმანიტარულ ცენტრ „აფხაზეთში“ საქმიანობდა.

დავით ბენდელიანს დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი, ფლობს სერტიფიკატებს მიკროსაფინანსო ორგანიზაციების სახაზინო მართვაში, სტრატეგიულ დაგეგმარებასა და ცვლილებების მართვაში, მიკროსაფინანსო პროდუქტის განვითარებაში, რისკების მართვის მეთოდოლოგიაში, შიდა აუდიტის განვითარებაში, ადამიანური რესურსების მართვასა და სტრატეგიული დაგეგმვის პროგრამაში. 

კომერციული დირექტორი მელანია კუჭუხიძე კრისტალს 2018 წელს შემოუერთდა. თავდაპირველად ის ქსელის მენეჯერის უფროსის პოზიციას იკავებდა, 2019 წელს მელანია კომპანიის უფროსი ბიზნესოფიცრის მოადგილედ დაინიშნა, 2020 წლიდან კი მან მუშაობა ამჟამინდელ პოზიციაზე განაგრძო. 

მელანია წარმოადგენს უფროს აღმასრულებელსა და მენეჯმენტის ექსპერტს, რომელსაც ფინანსურ სექტორში მართვის 14-წლიანი გამოცდილება აქვს. 2006-2010 წლებში მელანია კუჭუხიძე ვითიბი ბანკი საქართველოს საცალო და მცირე ბიზნესის განვითარების უფროსად მუშაობდა, 2010-2015 წლებში კი – ბანკი კონსტანტას ქსელის მართვის დეპარტამენტის უფროსად. 2016 წლამდე იგი თიბისი ბანკში, მიკრო ბიზნესის მართვის გუნდში საქმიანობდა, იყო მწვანე ლისის ურბანული განვითარების პროექტის კომერციული დირექტორი. 

მელანია ფლობს ვითიბი ბანკის კორპორაციული უნივერსიტეტის მაგისტრის ხარისხს მენეჯმენტში. მას საქართველოს სუბტროპიკული ბიზნესის უნივერსიტეტის ეკონომიკისა და მენეჯმენტის ბაკალავრიატი აქვს დამთავრებული.

ნინო ფანჯიკიძე კრისტალის გუნდს საინფორმაციო დირექტორის პოზიციას 2023 წლის ივნისიდან შემოუერთდა.

მას ფინანსურ სექტორში მუშობის 15 წლიანი გამოცდილება აქვს. სხვადასხვა დროს იგი პროკრედიტ ბანკში იკავებდა მენეჯერულ პოზიციებს:  იყო ცენტრალური ფილიალის საოპერაციოს უფროსის მოადგილე, საცალო კონტროლის დეპარტამენტის ხელმძღვანელი, ცენტრალიზებული ბექ ოფისის ხელმძღვანელი, ასევე, პროდუქტების და პროცედურების განვითარების უფროსი სპეციალისტი.  2013 წლიდან ნინო შეუერთდა ფინკა ბანკის გუნდს და იკავებდა საბანკო სერვისების უფროსის პოზიციას. ასევე ხელმძღვანელობდა საბანკო მხარდაჭერის მიმართულებას, მათ შორის ცენტრალიზებულ ბექ ოფისს, უნაღდო ანგარიშსწორებისა და საბანკო ბარათების მიმართულებას.  ბოლო 2 წლის განმავლობაში ის მუშაობას  არასაბანკო სფეროში აგრძელებდა და საოპერაციო მენეჯერის პოზიციას იკავებდა.

ნინომ დაამთავრა თავისუფალ უნივერსიტეტის ფინანსების მიმართულება და მიენიჭა სერთიფიცირებული ფინანსური მენეჯერის კვალიფიკაცია. მოგვინებით კი სწავლა კვლავ განაგრძო კავკასიის უნივერსიტეტის ბიზნეს ადმინისტრირების სამაგისტრო პროგრამაზე. მან ასევე დაამთავრა კულტურისა და ხელოვნების სახელმწიფო უნივერსიტეტის საერთაშორისო ურთიერთოებების ფაკულტეტი და მიენიჭა ბაკალავრის ხარისხი. ამას გარდა, ნინომ წარმატებით დაასრულა იელის საერთაშორისო უნივერსიტეტის ფინანსური ბაზრების შემსწავლელი სრული კურსი

კახა გაბესკირია კრისტალის გუნდს 2009 წელს შემოუერთდა და ამ პერიოდის განმავლობაში სხვადასხვა აღმასრულებელ პოზიციას იკავებდა: იყო უფროსი საკრედიტო ოფიცერი, უფროსი ოპერაციების ოფიცერი და ბიზნესის უფროსი ოფიცერი. 2020 წლიდან იგი მისო კრისტალის შვილობილი კომპანიის, კრისტალ ლიზინგის დირექტორად დაინიშნა. 

კახა გაბესკირიას პროკრედიტ ბანკში, MSME სექტორში მენეჯერულ პოზიციებზე მუშაობის 20-წლიანი გამოცდილება აქვს. იგი ფლობს საქართველოს სუბტროპიკული სოფლის მეურნეობის ინსტიტუტის ეკონომიკის ბაკალავრის ხარისხს, არის სერტიფიცირებული პროექტის მართვაში, ბიზნესის ანალიზში, ადამიანური რესურსების მართვაში, პროდუქტის განვითარებაში, საკრედიტო პორტფელის დაგეგმვასა და მენეჯმენტში, საკრედიტო და საოპერაციო რისკების მენეჯმენტში. 

გიორგი (გიგა) მეგენეიშვილი სს მიკრო ბანკი „კრისტალის“ რისკების დირექტორია. 2005 წლიდან, გიგას სხვადასხვა თანამდებობა ეკავა და განვითარების საინტერესო გზა განვლო. რისკების მართვის კლასიკური მიდგომების დანერგვით, მან კომპანიის განვითარებაში ღირებული წვლილი შეიტანა.

გიგა რისკების სერტიფიცირებული მენეჯერია. მას ასევე მიღებული აქვს მიკროფინანსების მართვაში საერთაშორისო სერტიფიკატი (ფინანსებისა და მენეჯმენტის ფრანკფურტის სკოლა). გიგამ ეკონომიკის საბაკალავრო პროგრამა  ქუთაისის აკაკი წერეთლის სახელმწიფო უნივერსიტეტში გაიარა.

ლაშა ყანჩაველი კრისტალის გუნდს ინფორმაციული ტექნოლოგიების უფროსი ოფიცრის რანგში 2024 წლის მარტიდან შემოუერთდა.

მას აქვს საბანკო და ფინანსურ სექტორებში IT მართვის, ენტერპრაიზ არქიტექტურისა და ციფრული ტრანსფორმაციის მიმართულებით მოღვაწეობის 25 წლიანი გამოცდილება.

კრისტალში საქმიანობის დაწყებამდე, მას ეკავა მნიშვნელოვანი მენეჯერული პოზიციები საქართველოს ბანკში, მათ შორის იყო ენტერპრაიზ არქიტექტორი, გადაწყვეტილებების არქიტექტურის ხელმძღვანელი და ბიზნეს ანალიზისა და კონსულტაციის დეპარტამენტის უფროსი. მან მნიშვნელოვანი როლი შეასრულა ბანკის ტექნოლოგიური სტრატეგიის განსაზღვრაში, IT არქიტექტურის ოპტიმიზაციასა და მასშტაბური ციფრული ტრანსფორმაციის ინიციატივების დანერგვაში, რაც ოპერაციული ეფექტიანობისა და მომხმარებლის გამოცდილების გაუმჯობესებას ემსახურებოდა.

მისი კარიერა მოიცავს საქმიანობას ხელმძღვანელ პოზიციებზე წამყვან ფინანსურ ინსტიტუტებში, სადაც მან ხელი შეუწყო ინოვაციური ციფრული გადაწყვეტილებების დანერგვას მკაცრად რეგულირებულ გარემოში. ლაშა ფლობს ბაკალავრის ხარისხს გამოყენებითი მათემატიკისა და კომპიუტერული მეცნიერებების მიმართულებით თბილისის სახელმწიფო უნივერსიტეტიდან. მან ასევე გაიარა ტრენინგი პროექტების მართვაში, ბიზნეს ანალიზში, მონაცემთა ბაზების ადმინისტრირებასა და IT სტრატეგიაში, რამაც კიდევ უფრო გააძლიერა მისი უნარები ფინანსურ სექტორში ტექნოლოგიებზე დაფუძნებული ტრანსფორმაციების მართვის კუთხით.