კრისტალ კონსალტინგის ბიზნესპროცესების ავტომატიზაციის სისტემა GITI 2022-ის გამარჯვებულია

Crystal ERP და  POS მიკრო და მცირე მეწარმეების ბიზნესსაქმიანობების განვითარების ხელშეწყობის მიზნით შეიქმნა. პროგრამა ყველა იმ მნიშვნელოვან ოპერაციას აერთიანებს, რომელიც ბიზნესს ყოველდღიურად სჭირდება და მის გამოყენებას ბიზნესსაქმიანობა სურლიად ახალ საფეხურზე გადაჰყავს. ამასთან, Crystal ERP მფლობელს ანალიტიკაზე დაფუძნებული გადაწყვეტილებების მიღებასა და გაყიდვების გაზრდაშიც ეხმარება. საგულისხმოა, რომ პროდუქტის შექმნის პროცესში სხვადასხვა კომპეტენციის ადამიანები, მათ შორის თავად მეწარმეებიც იყვნენ ჩართულები. 

„კრისტალი“ და მისი შვილობილი კომპანია „კრისტალ კონსალტინგი“ თანამედროვე საინფორმაციო ტექნოლოგიების დანერგვაზე ორიენტირებული კომპანიებია. განსაკუთრებული პრიორიტეტი კი მას „კრისტალის“ საბანკო ტრანსფორმაციის პროცესში ენიჭება. ამ პროგრამის მიზანს მიკრო და მცირე მეწარმეებისთვის ყოველდღიური ბიზნეს ოპერაციების გამარტივება და მათთვის იგივე შესაძლებლობების შქამნაა, რაც დიდ ქსელურ მაღაზიათა ქსელებს, წარმოებებს და მომსახურებებს აქვთ საქართველოში. მოგეხსენებათ, ბიზნესსერვისებზე თანაბარი ხელმისაწვდომობა უზრუნველყოფს სექტორის განვითარებას. მოხარულები ვართ, რომ ის ამ მნიშვნელოვან კონკურსზე წლის საუკეთესო კომპლექსურ ბიზნესგადაწყვეტილებად დასახელდა. ეს ჩვენთვის ამ მიმართულებით განვითარებისა და ახალი პროექტების განხორციელების პროცესში დამატებითი მოტივატორი იქნება“, – აღნიშნავს „კრისტალ კონსალტინგის“ აღმასრულებელი დირექტორი გიორგი ჯანელიძე.

GITI ინფორმაციული ტექნოლოგიების და კიბერუსაფრთხოების სფეროში საერთაშორისოდ აღიარებული ერთ-ერთი წამყვანი ღონისძიებაა. კონფერენცია 2008 წლიდან, „ICT ბიზნეს საბჭოს“, იუსტიციისა და ეკონომიკის სამინისტროებისა და ციფრული მმართველობის სააგენტოს პარტნიორობით ყოველწლიურად იმართება. ღონისძიებაში მონაწილეობას  კერძო და საჯარო სექტორის ორგანიზაციები იღებენ, რომლებიც კონკურსის ფორმატში წარადგენენ IT პროდუქტებს/სერვისებს. კონკურსის მიზანს სხვადასხვა კატეგორიებში წლის საუკეთესო პროეტების გამოვლენა და დაჯილდოება წარმოადგენს, რაც  საჯარო და კერძო სექტორებში ინოვაციური პროექტების განხორციელების წახალისებას უწყობს ხელს.

ინფორმაციისთვის, Crystal ERP USAID-ის პროგრამის „ახალგაზრდების და ქალთა მეწარმეობის მხარდაჭერა საქართველოში (USAID YES-Georgia)’’ დაფინანსებით შეიქმნა. პროგრამა ფონდი კრისტალის მიერ, USAID-ის და ქალთა გლობალური განვითარების და კეთილდღეობის ინიციატივის ფარგლებში, ამერიკელი ხალხისგან მიღებული ფინანსური დახმარებით ხორციელდება. პროექტს დამატებით მხარდაჭერას ფინანსური ჩართულობის ორგანიზაცია ‘’კრისტალი’’ უწევს.