Enhancement of the Credit Guarantee System Supporting Small and Medium-Sized Enterprises’ Project

(RRP MON 48015-002)

აკრძალული საქმიანობების სია

სესხის ხელშეკრულების დანართი

დამატებითი პირობები აზიის განვითარების ბანკის (ADB) მიერ დაფინანსებული პროექტის ფარგლებში გაცემული სესხებისათვის

აზიის განვითარების ბანკის დაფინანსება არ ვრცელდება შემდეგზე:

• წარმოება ან საქმიანობა, რომელიც იყენებს იძულებითი შრომის¹ ან ბავშვთა შრომის საზიანო ან ექსპლუატაციურ ფორმებს;²
• ნებისმიერი პროდუქტის ან აქტივობის წარმოება და ვაჭრობა, რომელიც მიჩნეულია არალეგალურად  ქვეყნის კანონმდებლობით ან რეგულაციებით, საერთაშორისო კონვენციებითა და შეთანხმებებით ან ექვემდებარება საერთაშორისო აკრძალვებს, როგორიცაა (ა) ფარმაცევტული საშუალებები,³ პესტიციდები და ჰერბიციდები,⁴ (ბ) ოზონის დამშლელი ნივთიერებები,⁵ (გ) პოლიქლორირებული ბიფენილი⁶ და სხვა საშიში ქიმიკატები,⁷ (დ) ველური ბუნება ან ველური ბუნების სახეობები, რომლებიც რეგულირდება კონვენციით გადაშენების პირას მყოფი ველური ფაუნისა და ფლორის სახეობებით საერთაშორისო ვაჭრობის შესახებ,⁸ და (ე) ნარჩენებით ან ნარჩენი პროდუქტებით ტრანსსასაზღვრო ვაჭრობა;⁹
• იარაღისა და საბრძოლო მასალების, მათ შორის სამხედრო დანიშნულებით მოდიფიცირებული მასალების წარმოება და ვაჭრობა;
• ალკოჰოლური სასმელების წარმოება და ამ პროდუქციით ვაჭრობა, გარდა ლუდისა და ღვინისა;
• თამბაქოს წარმოება ან/და რეალიზაცია;¹⁰
• აზარტული თამაშები, კაზინოები და სხვა ეკვივალენტური დაწესებულებები; ¹⁰
• რადიოაქტიური მასალების წარმოება ან ვაჭრობა,¹¹ ბირთვული რეაქტორების და მათი კომპონენტების ჩათვლით;
• შეუკვრელი აზბესტის ბოჭკოების წარმოება, ვაჭრობა ან გამოყენება;¹²
• ტყის გაჩეხვა კომერციული მიზნით ან  ტყის საჩეხი აღჭურვილობის შეძენა ტროპიკულ ტენიან ტყეებში ან გაუკაფავ ტყეებში გამოსაყენებლად;
• საზღვაო და სანაპირო თევზჭერის პრაქტიკა, როგორიცაა ფართომასშტაბიანი თევზაობა დრიფტერული და წვრილუჯრედოვანი ბადეების გამოყენებით, რომელიც საზიანოა დაცული სახეობებისთვის და ზიანს აყენებს საზღვაო ბიომრავალფეროვნებას და ჰაბიტატებს;
• უძრავ ქონებაში ინვესტიცია ან უძრავი ქონების შეძენა, თუკი მისი დაკავება არ ხდება მესაკუთრის მიერ;
• კომერციული უძრავი ქონების მშენებლობა, თუკი მისი დაკავება არ ხდება თავად ბიზნესის მიერ (SME);
• მძიმე სამშენებლო მასალებთან დაკავშირებული სექტორები;
• მრავალსაოჯახო საცხოვრებლის მშენებლობა;
• ყველა სახის სამთო აქტივობა, წიაღისეულის დამუშავებისა და მოპოვების საქმიანობა;
• ბიზნესი, რომელიც ნავთობის ან ენერგიის იმპორტით არის დაკავებული;
• ბიზნესი, რომელიც ძირითადად ფუფუნების საგნების იმპორტით არის დაკავებული;
• მცირე და საშუალო საწარმო,  რომლებიც წარმოადგენს მსხვილი საწარმოს შვილობილს ან კონტროლდება მსხვილი საწარმოს მიერ;  
• ჩამდინარე წყლების გადამუშავება
• წყალმომარაგებასთან დაკავშირებული საქმიანობა.

¹ იძულებითი შრომა გულისხმობს ყველა სახის სამუშაოს ან მომსახურებას, რომელიც არ სრულდება ნებაყოფლობით და მიიღება პირისგან იძულების გზით, ძალის ან სასჯელის გამოყენების მუქარით.

² ბავშვთა შრომა ნიშნავს იმ ბავშვების დასაქმებას, რომელთა ასაკი ქვეყნის კანონმდელობით განსაზღვრულ დასაქმების მინიმალურ ასაკზე დაბალია, ან ბავშვების დასაქმებას შრომის საერთაშორისო ორგანიზაციის (www.ilo.org)  No138 კონვენციის („მინიმალური ასაკის კონვენცია“) დარღვევით.

³ იმ ფარმაცევტული პროდუქტების ჩამონათვალი, რომლებიც ექვემდებარება აკრძალვებს, ხელმისაწვდომია ბმულზე:  http://www.who.int.

⁴ პესტიციდებისა და ჰერბიციდების ჩამონათვალი, რომლებიც ექვემდებარება აკრძალვებს, ხელმისაწვდომია ბმულზე: http://www.pic.int.

⁵ იმ ქიმიური ნაერთებების სია, რომლებიც რეაქციაში შედიან სტრატოსფეროს ოზონთან, აზიანებენ მას და შედეგად იწვევენ საყოველთაოდ ცნობილი ოზონის ხვრელების წარმოქმნას, მოცემულია მონრეალის პროტოკოლში. ინფორმაცია ხელმისაწვდომია ბმულზე: http://www.unep.org/ozone/montreal.shtml.

⁶ ტოქსიკური ქიმიკატების ჯგუფი, პოლიქლორირებული ბიფენალები, შესაძლოა შეგხვდეს  ზეთიან ელექტრო ტრანსფორმატორებში, კონდენსატორებში და გამანაწილებელ მოწყობილობებში, რომლებიც გამოშვებულია 1950-დან 1985-მდე წლებში.

⁷ საშიში ქიმიკატების სია იხ. http://www.pic.int.

⁸ ჩამონათვალი ხემისაწვდომია ბმულზე: at http://www.cites.org.

⁹ ბაზელის კონვენციის შესაბამისად; იხ.http://www.basel.int.

¹⁰აღნიშნული არ ვრცელდება პროექტის სპონსორებზე, რომლებიც არსებითად არ არიან ჩართულნი ამ საქმიანობაში. „არსებითად არ არიან ჩართულნი“ – ნიშნავს, რომ აღნიშნული საქმიანობა პროექტის სპონსორის ძირითადი საქმიანობის დამხმარე აქტივობაა.

¹¹ აღნიშნული არ ვრცელდება სამედიცინო, ხარისხის კონტროლის (გაზომვის) და სხვა ნებისმიერი აღჭურვილობის შეძენაზე, რომლისთვისაც, როგორც ADB მიიჩნევს,  რადიოაქტიური წყარო არის ტრივიალური და ადეკვატურად დაცული. 

¹² აღნიშნული არ ვრცელდება შეკრული აზბესტის ცემენტის ფურცლების შეძენასა და გამოყენებაზე, სადაც  აზბესტის შემცველობა 20%-ზე ნაკლებია.