„კრისტალი” სამუშაო ადგილზე მრავალფეროვნების, თანასწორობისა და ჩართულობის პროექტს უერთდება

კრისტალის ადამიანების განვითარების განყოფილების ხელმძღვანელმა როდიონ ქორჩილავამ მონაწილეებს კომპანიის მასშტაბით  ადამიანური რესურსების მართვის პროცესებში დანერგილი თანამედროვე ტენდენციები და პრაქტიკები გააცნო და აღნიშნა, რომ  მრავალფეროვნება,  თანასწორობა და ინკლუზია  ღირსეული სამუშაო გარემოს შექმნის აუცილებელი წინაპირობა, რომელიც კომპანიაში დასაქმებულ თანამშრომლებს საკუთარი შესაძლებლობების, ნიჭისა და ტალანტების აღმოჩენის  შესაძლებლობას აძლევს.

აღსანიშნავია, რომ „კრისტალი“ ორგანიზაციის შიგნით ქალთა გაძლიერებაზე, მათთვის უსაფრთხო და არადისკრიმინაციული გარემოს შექმნაზე აქტიურად მუშაობს. 

“კრისტალი“ ერთ-ერთი პირველი კომპანიაა, რომელიც 2016 წელს გაეროს ქალთა გაძლიერების პრინციპების ხელმომწერი გახდა და ის სტრატეგიულ მიმართულებად აქცია. ამ პერიოდიდან კომპანია  ქალთა გაძლიერებისთვის როგორც ორგანიზაციის შიგნით, ისე მის ფარგლებს გარეთ საგანმანათლებლო, მენტორინგის, პროფესიული განვითარებისა და ფინანსებზე ხელმისაწვდომობის კუთხით სისტემურ, მდგრად ინიციატივებს ახორციელებს. 

„კრისტალის“ მიერ ქალთა გაძლიერების მიმართულებით გადადგმული ქმედითი ნაბიჯები არაერთხელ აღინიშნა ადგილობრივი და საერთაშორისო ორგანიზაციებისთუ ექსპერტების მიერ. 

გაეროს ქალთა გაძლიერების პრინციპები წარმოადგენს საერთაშორისო ინსტრუმენტსა და გზამკვლევს კომპანიებისთვის, თუ როგორ გააძლიერონ ქალები სამუშაო ადგილზე, საბაზრო ურთიერთობებსა და საზოგადოებაში.