ფინანსური მენეჯმენტი

ფინანსური მართვა მნიშვნელოვანია კომპანიებისთვის, რადგან ის მოიცავს ფინანსური რესურსების სტრატეგიულ დაგეგმვასა და ზედამხედველობას, რაც უზრუნველყოფს გრძელვადიან სტაბილურობასა და ზრდას. განსხვავებით ანგარიშგების სპეციალისტებისგან (ბუღალტრისგან), რომლებიც ფინანსური ტრანზაქციების აღრიცხვასა და ანგარიშგებაზე არიან კონცენტრირებულნი, ფინანსური მენეჯერები უფრო ფართოდ ხედავენ პროცესებს, მართავენ ინვესტიციებს, ახდენენ ბიუჯეტირებას, პროგნოზირებასა და რისკების შეფასებას. ეფექტური ფინანსური მართვა ეხმარება კომპანიებს ფინანსური გამოწვევების გადალახვაში, ინფორმირებული გადაწყვეტილებების მიღებაში და სტრატეგიული მიზნების მიღწევაში, რაც საბოლოოდ ემსახურება მდგრად ზრდასა და კონკურენტულ უპირატესობას.

ძალიან ბევრ მიკრო, მცირე და საშუალო საწარმოს (MSME) არ აქვს შესაძლებლობა ფინანსური მენეჯერის აყვანის, მაგრამ ჩვენი ბიზნეს კონსულტირების მომსახურებები უზრუნველყოფს მნიშვნელოვან მხარდაჭერას კომპანიის მფლობელებისთვის, ფინანსების მართვის ცოდნისა და ინსტრუმენტების გადაცემის საშუალებით, რაც მათ საშუალებას აძლევს მიიღონ ინფორმირებული ფინანსური გადაწყვეტილებები.

ჩვენი ფინანსური მენეჯმენტის სერვისით თქვენ მიიღებთ ექსპერტულ რჩევებს: ბიუჯეტირების, პროგნოზირებისა და რისკების მართვის მიმართულებით. ეს დაგეხმარებათ, როგორც მენეჯერებმა ეფექტურად მართოთ ფინანსური რესურსები და მიაღწიოთ ბიზნეს მიზნებს, თუნდაც არ გყავდეთ ფინანსური მენეჯერი თქვენს გუნდში.

სერვისი ემსახურება მიკროდაკრედიტების ნაწილში მომხმარებელთა გათვითცნობიერებასა და ცოდნის გაღრმავებას, რაც დაეხმარება მათ უფრო ეფექტური და ინფორმირებული ბიზნეს გადაწყვეტილებების მიღებაში. 

სამუშაო პროცესი

სამუშაო პროცესში ხდება კომპანიის ფინანსური მდგომარეობის ანალიზი, არაეფექტურობის ან შესაძლებლობების დადგენა და რეკომენდაციის გაწევა ფინანსური მუშაობის ოპტიმიზაციისთვის. თქვენ გაიგებთ იმ ძირითად ფინანსურ კოეფიციენტებს, რომლებიც მნიშვნელოვანია სწორი ფინანსური სურათის აღქმაში და შესაბამისი, ოპტიმალური გადაწყვეტილებების მიღებაში.  

შედეგად თქვენ შეძლებთ:

• ბიზნესის ეფექტიანობის შეფასებას
• ფინანსური სტაბილურობის განსაზღვრას
• აქტივების სწორად გამოყენებას
• სწორი საინვესტიციო გადაწყვეტილებების მიღებას
• შედარებით ანალიზს
• სტრატეგიულ დაგეგმარებას
• რისკების შეფასებას და მართვას